ზუგდიდში სამხარეო ადმინისტრაციის შენობაში ახალი გუბერანტორის ალექსანდრე მოწერელიას წარდგენა დასრულდა. იგი გიორგი გახარიამ და სოზარ სუბარმა წარადგინეს.

შინაგან საქმეთა მინისტრმა შეხვედრაზე დამსწრე სამეგრელო-ზემო სვანეთის რეგიონის მუნიციპალიტეტების მერებს, საკრებულოს ხელმძღვანელებსა და მაჟორიტარ დეპუტატებს მადლობა გადაუხადა და აღნიშნა, რომ კიდევ უფრო მეტი შრომა იქნება საჭირო.

„ნება მიბოძეთ, კიდევ ერთხელ კოლეგებს მადლობა გადავუხადო გაწეული შრომისთვის და ასევე, ერთმნიშვნელოვნად გითხრათ, რომ კიდევ უფრო მეტი შრომა იქნება საჭირო. ერთმნიშვნელოვნად უნდა იცოდეთ, რომ ამ რეგიონის განვითარებაზე კომპრომისის დაშვებას არავინ აპირებს, პირდაპირ გეუბნებით, რაც ნიშნავს იმას, რომ ყველას მოეთხოვება ერთნაირად და აბსოლუტურად ყველას პასუხისმგებლობის ზომა იქნება ერთი და იგივე. სამართლიანობა იქნება ძირითადი კრიტერიუმი“, – განაცხადა გიორგი გახარიამ.