უზენაესი სასამართლოს თავმჯდომარის კანდიდატურა - საპარლამენტო უმრავლესობის წევრები პრეზიდენტთან აღნიშნულ საკითხზე დაგეგმილი კონსულტაციების ჩაშლას კიდებ ერთხელ ეხმაურებიან:

"ახლა "ქართული ოცნება" პრეზიდენტის გადაწყვეტილების მოლოდინშია. გიორგი მარგველაშვილს კანდიდატის დასახელების ვადა სექტემბრამდე აქვს, რათა პარლამენტმა საკითხზე მსჯელობა მოასწროს. გასაკვირი არ არის , იმიტომ რომ ჩვენ უფრო ადრე გამოვეთიშეთ პროცესს. ყველა მოველოდით და სასურველიც იყო, თვითონ ქვეყანასაც სჭირდება, რომ ეს პროცესი წარმართულიყო უფრო მეტი პასუხისმგებლობით, სერიოზულობით და იმდაგვარად რომ გარკვეული კონსოლიდაცია მომხდარიყო. პრობლემას ვხედავთ იმაში, როგორ მიდის ეს პროცესი, შესაბამისად მაღალი მოლოდინი არ გვაქვს, რომ მაინცდამაინც საუკეთესო კანდიდატურას მივიღებთ დასახელებულს,"-აცხადებს პარლამენტის ვიცე სპიკერი თამარ ჩუგოშვილი.