პრემიერ-მინისტრის მიერ გუბერნატორების წარდგენამდე 1 საათით ადრე გურიის გუბერნატორმა თანამდებობა დატოვა. მერაბ ჭანუყვაძემ ამის შესახებ სოციალურ ქსელშ თავად დაწერა.

"მივიღე გადაწყვეტილება დავტოვო თანამდებობა. ამ პერიოდის განმავლობაში მაქსიმალურად ვცდილობდი წარმომეჩინა ჩემთვის განსაკუთრებული მხარე.

ვტოვებ თანამდებობას, მაგრამ ვრჩები ჩემი ხალხისა და ჩემი ქვეყნის სამსახურში“, - წერს მერაბ ჭანუყვაძე.

მერაბ ჭანუყვაძე გურიის გუბერნატორის პოსტზე 2017 წლის 23 აგვისტოს დაინიშნა. მანამდე კი ის ოზურგეთის მუნიციპალიტეტის გამგებელი იყო.