ძლიერმა სეტყვამ ახმეტის 5 სოფელში მოსავალი სრულად გაანდგურა - ენმ ხელისუფლებას მოსახლეობის დასახმარებლად 3 მოთხოვნას უყენებს

პოლიტიკა - 14:24, 19 Aug, 2018

1617

კახეთში, ახმეტის მუნიციპალიტეტის ხუთ სოფელში ძლიერმა სეტყვამ მოსავალი თითქმის სრულად გაანადგურა. ადგილზე ზარალს ითვლიან.

ადგილობრივი მოსახლეობა ხელისუფლების მხრიდან უყურადღებობაზე საუბრობს და დახმარებას ითხოვს.

სასოფლო სავარგულები, თითქმის, მთლიანად განადგურებულია და გლეხები ამ მიწებიდან წელს ვეღარაფერს აიღებენ.

დაზარალებულები ამბობენ, რომ სტიქიის დროს სეტყვის საწინააღმდეგო დანადგარი არ ჩართულა. მათი თქმით, თითქმის, ყველა მათგანს საბანკო სესხი აქვს გასასტუმრებელი.

ადგილზე იმყოფებიან „ნაციონალური მოძრაობის“ წევრები. გიორგი ბოტკოველმა ხელისუფლებას სამი მოთხოვნა წაუყენა, მათ შორისაა ზარალის კომპენსაცია, მიწის გადასახადის გაუქმება და საბანო კრედიტებზე პროცენტის შემცირება.

„ახმეტის რაიონში 5 სოფელი ბოლომდე განადგურდა. მოსახლეობას მოსავალი სრულად გაუნადგურდა, არის კიდევ სოფლები, სადაც სტიქიამ სახლებს სახურევაები გადახადა, ჩამოანგრია. ამას გარდა, თელავში, თუ ვინმეს ქალაქში პატარა ბოსტანიც კი ჰქონდა ყველაფერი განადაგურებულია. ჩვენ ვაყენებთ ხელისუფლების წინაშე სამ მოთხოვნას. პირველი, რომ მიწის გადასახადებისგან გათავისუფლდნენ, რადგან ყოველ წელს იხდიან გადასახად. მეორე ის, რომ საბანკო კრედიტები აქვს ყველას და ამაზე დაწესდეს შეღავათები და მესამე, უნდა დაიწყოს კომპენსაციების გაცემა, რადგან 30 სოფელია და არსად არაფერი კომპენსაცია არ გაუციათ“ - განაცხადა ბოტკოველმა.