გერმანიის მთავრობის რეზიდენციაში - მეზებერგის სასახლეში კანცლერ ანგელა მერკელისა და რუსეთის პრეზიდენტის ვლადიმერ პუტინის შეხვედრა სამ საათზე მეტ ხანს გაგრძელდა.

აღსანიშნავია, რომ შეხვედრის შემდეგ ლიდერებმა ბრიფინგი არ გამართეს.

მოლაპარაკებების დაწყებამდე მედიასთან გერმანიის კანცლერმა განაცხადა, რომ საუბრის მთავარი თემები სირიის კონფლიქტი, უკრაინის კრიზისი და პროექტი „ჩრდილოეთის ნაკადი 2“ იქნებოდა.

ანგელა მერკელმა ასევე აღნიშნა, რომ პუტინთან შეხვედრის ფარგლებში მიღწეული კონსენსუსის იმედი არ აქვს.

გერმანიის კანცლერისა და ვლადიმერ პუტინის შეხვედრისას საუბრის ერთ-ერთი მთავარი თემა ირანის ბირთვული შეთანხმება იყო.