„უზრდელი, ინტრიგანი ხარ, ახლა დაგაკავებ წინააღმდეგობაზე" - რა მოხდა ქავთარაძეზე პოლიციასა და მოქალაქეს შორის (ვიდეო)

პოლიტიკა - 18:43, 18 Aug, 2018

6378

გუშინ გვაინ ღამით ქავთარაძის ქუჩაზე მომხდარ ფაქტთან დაკავშირებით, შინაგან საქმეთა სამინისტრომ მოკვლევა დაიწყო. მოქალაქე დავით გუგეშაშვილი გუგეშაშვილი პოლიციას უფლებამოსილების გადამეტებაში ადანაშაულებს და აცხადებს, რომ პოლიციამ მისი და მისი მეგობრის პოლიციის განყოფილებაში გადაყვანა უმიზეზოდ უნდოდა და მათ პოლიციელის დაუმორჩილებლობაში ადანაშაულებდა. ფაქტის ამსახველი ვიდეო სოციალურ ქსელში დავათ გუგეშაშვილმა გაავრცელა.

"გუშინ დაახლოებით ღამის 4 საათზე ქავთარაძის გუდვილთან მე და ჩემი მეგობარი გაგვაჩერა მოძველბიჭო პოლიციამ, საბუთები წარმოადგინეთ და ფოტო უნდა გადაგიღოთო. პირადობა თან არ მქონდა და ფოტოს გადაღებაზეც რა თქმა უნდა უარი ვუთხარი, რის შემდეგაც ცდილობდა ჩვენს განყოფილებაში გადაყვანას. სანამ ლაივი არ ჩავრთე ძალაზე იყო.

"პოლიციის კანონიერ მოთხოვნას ეწინააღმდეგები, ეს სისხლის სამართლის დანაშაულია" - მსგავს სისულელეებს რომ ბოდავენ და თავი ისევ ბირჟაზე გონიათ უხერხულია. ანუ ისევ იქ ვართ სადაც ვიყავით?!

პ.ს როგორც თქვენ დაარბენინებთ ხალხს "გონივრული ეჭვის" საფუძველზე აქეთ-იქით, ჩემი გონივრული ეჭვის საფუძველზე ვამბობ რომ კონკრეტული პიროვნება არ იყო ფხიზელი. რის ზემოქმედების ქვეშ იყო საუბრის მანერაზე თუ დააკვირდებით თავადაც მიხვდებით."-წერს დავით გუგეშაშვილი.