საქართველოს გერმანიის კანცლერის ვიზიტთანდ აკავშრებით დღეს გამართულ ბრიფინგზე განცხადება პრემიერ-მინისტრმა გააკეთა. მამუკა ბახტაძის თქმით ანგელა ბერკელის ვიზიტი საქართველოში იმ თვალსაზრისითაც არის მნიშვნელოვანი, რომ ის პოლიტიკურის გარდა, ეკონომიკურ კომპონენტსაც მოიცავს:

„23 აგვისტოს საქართველოს ეწვევა გერმანიის კანცლერი, ​ანგელა მერკელი. ეს გახლავთ მისი პირველი ოფიციალური ვიზიტი საქართველოში. მაღალი დონის ვიზიტი ხაზს უსვამს საქართველო-გერმანიას შორის მჭიდრო ურთიერთობის ხარისხს. მნიშვნელოვანია, რომ პოლიტიკურის გარდა, ეს ვიზიტი მოიცავს ეკონომიკურ კომპონენტსაც, ქალბატონ მერკელს ჩამოჰყვებიან ბიზნესწრეების წარმომადგენლებიც, რომელთან ერთადაც მრგვალი მაგიდის ფორმატში გვექნება საუბარი. მნიშვნელოვანია, რომ ამ შეხვედრებში მონაწილეობას მიიღებენ ქართული კომპანიებიც.

ვიზიტისას განსაკუთრებული ყურადღება დაეთმობა საქართველო-გერმანიის ურთიერთობების შემდგომ გაღრმავებას, ორ ქვეყანას შორის პარტნიორული ურთიერთობებისა და მეგობრობის კიდევ უფრო განმტკიცებას. წამყვანი ევროპული ქვეყნის უმაღლესი რანგის თანამდებობის პირის სტუმრობა კიდევ ერთხელ ადასტურებს, რომ საქართველო ევროპისთვის ნამდვილად არის სანდო და საიმედო პარტნიორი“, – განაცხადა მამუკა ბახტაძემ.