კიბოს გამომწვევი წნევის წამლები სააფთიაქო ქსელებში - ჯანდაცვის სამინისტრომ რამდენიმე პრეპარატის რეგისტრაცია შეაჩერა

პოლიტიკა - 22:33, 16 Aug, 2018

12380

ჯანდაცვის სამინისტრომ უკვე შეუჩერა რეგისტრაცია ათზე მეტ პრეპარატს, რომელთა მოხმარებამ შესაძლოა სასიკვდილო დაავადება გამოიწვიოს.

კიბოს რისკის შემცველი სახიფათო მედიკამენტებიდან, სააფთიაქო ქსელებში ყველზე მთხოვნადი კარდიოლოგიური მედიკამენტებია. წამლები, აკრძალვის მიუხედავად სააფთიაქო ქსელებში უპრობლემოდ იყიდება.

ჯანდაცვის სამინისტროში ამბობენ, რომ ჯერჯერობით არ დამდგარა იმის საჭიროება, რომ კონკრეტული მწარმოებელი კომპანიები შემოწმდნენ. მათი განმარტებით, წამლების ამოღებას შესაბამის პროცედურები და დრო სჭირდება.

რაც შეეხება კონკრეტულ მედიკამენტებს, როგორც ჯანდაცვის სამინისტროს რეგულირების სააგენტოში განმარტავენ, ნივთიერება "ვალსარტანს" ჩინური კომპანია ამზადებს, რომელმაც 2012 წელს წარმოების სქემა შეცვალა და შემოწმებისას აღმოჩნდა, რომ კომპანიის მიერ წარმოებულ "ვალსარტანსში", არის ტოქსიკური მინარევები, რომელიც კიბოს გამოწვევის რისკის შემცველია.

სამინისტროს მიერ გამოცემული ბრძანების შესაბამისად, საქართველოში უნდა შეწყდეს ყველა იმ კომპანიის მიერ წარმოებული წამლის იმპორტი და გაყიდვა, რომელსაც ნივთიერება "ვალსარტანს" აწვდის ჩინური კომპანია.

„ეს პროდუქტები ამოვა უწყებრივი რეესტრიდან, გადაინაცვლებს დროებით გაუქმებულებში, ანუ ბაზარზე დაშვების უფლების არ მქონედ ჩაითვლება. ყველა იმ სუბიექტს, რომელსაც აქვს ამ საბითუმო რეალიზაციის უფლება, დაეგზავნათ წერილი, რომ დაუყოვნებლივ გამოითხოვონ ბაზრიდან აღნიშნული პროდუქტები. ასევე, საბაჟოს მივაწოდეთ ინფორმაცია, რომ ფაქტიურად, ეს პროდუქტები, ფაქტიურად, ვეღარ შემოვა,“ - აღნიშნა რეგულირების სააგენტოს ფარმაცევტული საქმიანობის დეპარტამენტის რეგისტრაციის სამმართველოს უფროსმა, ნაილი შენგელიძემ.

იმის მიუხედავად, ჯანდაცვის სამინისტრომ ბრძანება გამოსცა, დღე, თითქმის ყველა სააფთიაქო ქსელში შესაძლებელი იყო იმ პრეპარატების ყიდვა, რომელიც შეიცავს ნივთიერება ვალსარტანს, რომელიც ადამიანის ჯანმრთელობისთვის საშიშია.

მედიკამენტების სიას, რომლებიც ჯანმრთელობისთვის საფრთხეს შემცველია.

Valsar-Denk (40მგ; 80მგ; 160მგ; 320მგ)

CoValsar-Denk (80/12,5; 160/12,5; 320/12,5)

CARDOPAN-SANOVEL (80მგ; 160მგ; 320მგ)

CARDOPAN-SANOVEL PLUS (80/12,5; 160/12,5; 320/12,5)

Valz (40მგ; 80მგ; 160მგ)

Valz H (80მგ; 160მგ)

NORTIVAN® (80მგ; 160მგ)

Cardofix-Sanovel (5მგ/160მგ; 10მგ/160მგ)

Cardofix-Sanovel Plus (5მგ/160მგ/12,5მგ; 5მგ/160მგ/25მგ; 10მგ/160მგ/12,5მგ; 10მგ/160მგ/25მგ)

Amva Denk (5მგ/80მგ; 5მგ/160მგ; 10მგ/160მგ)

Amva + HCTDenk (mite 5მგ/160მგ/12,5მგ; 10მგ/160მგ/12,5მგ