პატიმრობაში მყოფი საქართველოს ყოფილი პრემიერის, ვანო მერაბიშვილის საავადმყოფოში გადაყვანის საკითხს იუსტიციის სამინისტრო გამოეხმაურა. უწყების ინფორმაციით მერაბიშვილი კლინიკაში გამოკვლევებზე ერთი საათის განმავლობაში იმყოფებოდა. შემოწმების შემდეგ კი მერაბიშვილი კვლავ სასჯელაღსრულების დაწესებულებაში გადაიყვანეს. მისი ჯანმრთელობის მდგომარეობა სტაბილურია და დიაგნოზი სიცოცხლისთვის საშიში არ არის.

„ციხის სამედიცინო პერსონალმა ჩათვალა საჭიროდ შემოწმება სამოქალაქო კლინიკაში, რაც დაიგეგმა გუშინ და გუშინ საღამოს იქნა გადაყვანილი. დანიშნულების დანიშვნის მერე დაბრუნდა და იმყოფება დაწესებულებაში. დიაგნოზი ჯანმრთელობისთვის და მით უმეტეს სიცოცხლისთვის საშიში არ არის. კლინიკაში დაყო, დაახლოებით, ერთი საათი და 19.20-ზე იმყოფებოდა უკვე სასჯელაღსრულების დაწესებულებაში.“- ნათქვამია უწყების მიერ გავრცელებულ ინფორმაციაში.

შეგახსენებთ გუშინ საღამოს ჯანმრთელობის მდგომარეობის გამო სასჯელაღსრულების დაწესებულების ექიმებმა მიიღეს გადაქყვეტილება, რომ ვანო მერაბიშვილი საპატიმროდან სამოქალაქო კლინიკაში გადაეყვანათ.

ვანო მერაბიშვილის ადვოკატის სტეფანე თუმანიშვილის ინფორმაციით, მერაბიშვილს სასუნთქი გზების პრობლემა ჰქონდა.

ადვოკატები გეგმავენ ვანო მერაბიშვილის სასჯელაღსრულების მე-9 დაწესებულებაში უახლოეს პერიოდში მოინახულონ.