აშშ-ის მიერ რუსეთთან "ღია ცის" შეთანხმების შეჩერება - "ჩვენ ეს 2012 წლის 5 აპრილს განვაცხადეთ რუსეთის მიერ დაწესებული შეზღუდვების საპასუხოდ"

პოლიტიკა - 23:27, 15 Aug, 2018

1574

პრეზიდენტმა დონალდ ტრამპმა ხელი მოაწერა 2019 წლის აშშ-ის თავდაცვის ბიუჯეტს, რომელიც 717 მილიარდ დოლარს შეადგენს. ტრამპის ხელმოწერილ დოკუმენტს, სადაც საქართველოსა და რუსეთის შესახებაც არის საუბარი, ფეისბუქის საკუთარ გვერდზე ეხმურება გაერთიანებული ოპოზიციის კანდიდატი, საგარეო საქმეთა ყოფილი მინისტრი გრიგოლ ვაშაძე, რომელიც აშშ-ის თავდაცვის ბიუჯეტის მნიშვნელობაზე საუბრობს.
"ბოლო დროს არაფერი ისე არ გამხარებია, როგორც აშშ-ს გადაწყვეტილება რუსეთთან "ღია ცის" ხელშეკრულების მოქმედების შეჩერების თაობაზე (სამხედრო ბიუჯეტის ზრდა თავისთავად).
ჩვენ ეს 2012 წლის 5 აპრილს განვაცხადეთ რუსეთის მიერ დაწესებული შეზღუდვების საპასუხოდ, როდესაც რუსეთმა დაიწყო იმის მოთხოვნა, რომ " აფხაზეთის და სამხრეთ ოსეთის თავზე ფრენები არ უნდა განხორციელებულიყო, და საინსპექციო ფრენები მათი საზღვრების 10 კილომეტრის დაშორებით უნდა შემდგარიყო, რადგან ეს დამოუკიდებელი სახელმწიფოები "ღია ცის" ხელშეკრულების ხელმომწერნი არ იყვნენ".
ამაზე დათანხმება ჩვენის მხრივ ოკუპირებული რეგიონების "დამოუკიდებლობის" ირიბი აღიარება იქნებოდა.
უზარმაზარი ძალისხმევა დაგვჭირდა, რომ ჩვენი მოკავშირეები ჩვენი პოზიციის სისწორეში დაგვერწმუნებინა." - წერს გრიგოლ ვაშაძე.

შეერთებული შტატების 2019 წლის ბიუჯეტი, რომელსაც დონალდ ტრამპმა ხელი გუშინ მოაწერა, საუბარია რუსეთის შეკავების ფაქტორზე, სადაც ერთ ერ პუქტად გამოყოფილია - "ღია ცის" ხელშეკრულებით გათვალისწინებული თანამშრომლობის გაყინვა. ამ შეთანხმების თანახმად, აშშ-სა და რუსეთს შეეძლოთ ერთმანეთის ტერიტორიაზე სადამკვირვებლო ფრენების განხორციელება.