საქართველოს თავდაცვის მინისტრი ლევან იზორია აგვისტოს ომთან დაკავშირებით დამოუკიდებელი საპრეზიდენტო კანდიდატის სალომე ზურაბიშვილის მიერ გაკეთებულ განცხადებებს ეხმაურება. იზორია აცხადებს, რომ არავის უნდა ეპარებოდეს ეჭვი, რომ 2008 წელს იყო აგრესიული პოლიტიკის კულმინაცია:

„არავის უნდა ეპარებოდეს ეჭვი, რომ 2008 წელს იყო კულმინაცია იმ აგრესიული პოლიტიკის, რომელსაც რუსეთის ფედერაცია ჯერ კიდევ 90-იანი წლებიდან ახორციელებს საქართველოში სხვადასხვა ჰიბრიდული მეთოდებით. 2008 წელს კულმინაციაზე როდესაც ვსაუბრობთ, ამ კულმინაციამ მიიღო რეალური სახე უშუალოდ მონაწილეობით და ჩვენი ტერიტორიების 20%-ის ოკუპაციით. მოვუწოდებთ რუსეთს, გაიყვანოს შეიარაღებული ძალები ჩვენი ქვეყნის ტერიტორიიდან”, – განაცხადა იზორიამ.