თუ თქვენ ასეთი ფრჩხილი გაქვთ, შესაძლოა მძიმე დაავადება გჭირდეთ

ჯანმრთელობა - 13:33, 15 Aug, 2018

7979

ბრიტანეთის ქალაქ უიგანის მაცხოვრებელმა ჯინ უილიამს ტეილორმა სოციალურ ქსელში თავისი ფრჩხილის ფოტო გამოაქვეყნა და ფეისბუკმომხმარებლებს აზრის დაფიქსირება თხოვა, ჰქონდათ თუ არა მსგავსი ფრჩხილი ნანახი. აღმოჩნდა, რომ ადამიანებს, არა მარტო ასეთი ფრჩხილი ქონდათ ნანახი, არამედ იცოდნენ იმ საფრთხის შესახებაც, რომელსაც ის შეიცავს.

ჯინს ურჩიეს სასწრაფოდ მიემართა ექიმისთვის, რადგან ფრჩხილის ფორმის ასეთი ცვლილება შესაძლოა ონკოლოგიური ან სხვა მძიმე დაავადების ნიშანი ყოფილიყო.

ჯინმა რჩევებს დაუჯერა და სამედიცინო დაწესებულებას მიმართა, სადაც აღმოჩნდა, რომ მას ნამდვილად ონკოლოგიური დაავადება ქონდა ფილტვებზე. საბედნიეროდ ისეთ ეტაპზე, რომ მკურნალობა შესაძლებელი იყო.

მსგავს თითებს დოლის ჩხირებისებრი თითები ეწოდება, (შემსხვილებულია ფალანგები). ის ჯერ კიდევ ჰიპოკრატემ აღწერა რამდენიმე ათასი წლის წინ და ამიტომ ჰიპოკრატეს თითებსაც უწოდებენ. ისი მიზეზი, როგორც წესი, გულისა და ფილტვების ქრონიკული დაავადებებია. მაგალითად, ფილტვების სიმსივნე, ტუბერკულოზი, გულის ქრონიკული უკმარისობა. ასევე ღვიძლის ციროზი და ფარისებრი ჯირკვლის ჰიპერფუნქცია (გრეივსის დაავადება).