ჩრდილოეთ იტალიაში, ქალაქ გენუაში საავტომობილო ხიდი ჩამოინგრა, რამაც ათეულობით ადამიანი იმსხვერპლა. ხიდის ჩამონგრევის დროს მასზე ათეულობით მანქანა იმყოფებოდა, მაშველებმა ნანგრევებში დაჭეჭყილი ავტომობილები იპოვეს, რომლებშიც დაღუპულთა ცხედრები იყო. სამაშველო ოპერაცია ისევ გრძელდება.

იტალიის ხელისულება მომხდარ შემთხვევას „საშინელ ტრაგედიად“ აფასებს.

აღნიშნული ხიდი 60-იან წლებში აშენდა, მისი სიგრძე 1182 მეტრია და ის ერთმანეთთან მდინარის სანაპირეოებს აერთებს, სადაც საცხოვრებელი სახლებიც მდებარეობს. ნგრევა ადგილობრივი დროით 11:30 საათზე მოხდა. ადგილობრივი მედიის ცნობით ჩამონგრეული ხიდის ნაწილები მჭიდროდ დასახლებულ ტერიტორიაზეც ჩამოვარდა.