ჭყონდიდის ეპისკოპოსი მეუფე პეტრე პატრიარქის ქორეპისკოპოსის განცხადებას დეკანოზ გიორგი მამალაძესთან დაკავშირებით მორიგ სამარცხვინო ნაბიჯსა და უპასუხისმგებლობას უწოდებს:

„ეს საქციელი და არანაირად ქადაგება, ბოდბის წმინდა ნინოს კათედრიდან, არის მორიგი უპასუხისმგებლობა ბოდბელი ეპისკოპოსის მხრიდან და მორიგი სამარცხვინო საქციელი და უკვე შეიძლება შეფასდეს, რომ არა მარტო მას პასუხისმგებლობა, რა თქმა უნდა, წინდა სინოდს და სინოდის თავმჯდომარეს ეკისრება. 2016 წლის შემოდგომაზე, ნოემბრის თვეში, თუ არ ვცდები, მეუფე იაკობმა, ასევე მსგავსი უპასუხისმგებლო განცხადებით ბოდბის კათედრიდან, დააანონსა და თქვა, რომ თითქოს არის ბრძოლა დაწყებული პატრიარქის წინააღმდეგ და რომ სიძეობა არ არის იმუნიტეტი და რომ ის აუცილებლად დაიცავს პატრიარქს და შემდეგ, დაახლოებით ერთ თვეში, იკრიბება წმინდა სინოდი. მე მას პირადად მივმართე, პატრიარქის და სინოდის თანდასწრებით, თხოვნით, მოთხოვნითაც, შეიძლება ითქვას, რომ მას ეთქვა, თუ რა მოვლენასთან გვქონდა საქმე და ის გაჩერდა, დადუმდა. დღემდე არ გაუცია პასუხი. რომ ეთქვა, თუ რამე ჰქონდა სათქმელი, თუ რასთან გვქონდა საქმე, რა მოვლენებთან, რა თქმა უნდა, დარწმუნებული ვარ, რომ თვით ციანიდის სკანდალიც არ იქნებოდა და მთელი ქვეყანა ასეთ დიდ უხერხულობაში არ აღმოჩნდებოდა. და როგორც პატრიარქი ბრძანებს, მის თავზე ცა აღარ ჩამოინგრეოდა. მეუფეს გუშინდელი საქციელიც თუ განცხადება, იძლევა იმის საფუძველს, რომ ის დამატებით იქნეს დაკითხული ან საქმეზე და ხელახლა წავიდეს წარმოებაში ციანიდის საქმე,“ - განაცხადა მეუფე პეტრემ.