,,საქართველოს სტუდენტთა უფლებების ლიგა“ განცხადებას ავრცელებს

საზოგადოება - 22:33, 26 Aug, 2013

746

,,მოგეხსენებათ, ერთიანი ეროვნული გამოცდების მეშვეობით წელს 28 401 აბიტურიენტი სტუდენტი გახდა, რაც ძალიან კარგი მაჩვენებელია, მაგრამ აქვე აღსანიშნავია ისიც რომ დაახლოებით 700-მა აბიტურიენტმა ერთიანი ეროვნული გამოცდების დაწესებული მინიმალური ზღვარი გადალახა მაშასადამე მათ ჩააბარეს ერთიანი ეროვნული გამოცდები, მაგრამ მოპოვებული ქულები არ ეყოთ კონკურენციის პირობებში უმაღლეს სასწავლებლებში სწავლის გასაგრძელებლად და დღეს დაახლოებით 700 აბიტურიენტი ვერ განაგრძობს სწავლას უმაღლეს სასწავლებლებში, ამიტომ ვიტოვებთ იმედს კეთილი ნებისა და მივმართავთ საქართველოს განათლებისა და მეცნიერების მინისტრს ქალბატონ თამარ სანიკიძეს და გამოცდების ეროვნული ცენტრის ხელმძღვანელს მაია მიმინოშვილს თხოვნის სახით რომ აღნიშნული აბიტურიენტებისთვის გამოიყოს უმაღლეს სასწავლებლებში დამატებითი ადგილები ან მიეცეთ საშუალება აბიტურიენტებს აირჩიონ ისეთი უმაღლესი სასწავლებლები სადაც დარჩენილი არის თავისუფალი ადგილები რათა ისინი არ დარჩნენ უმაღლეს სასწავლებლების მიღმა", - ნათქვამია ,,სტუდენტთა უფლებების დაცვის ლიგის" თავმჯდომარის ნოდარ თათვიძის მიერ გავრცელებულ განცხადებაში.