ე.წ. ციანიდის საქმე - ჭღონდიდის მიტროპოლიტი მეუფე პეტრე აცხადებს, რომ მან მეუფე შიოს, პატრიარქის ტახტის მსოაყდრეს ურჩია დაკავებული დეკანოზის მონახულება საპატიმრო დაწესებულებაში და მისი მოსმენა:

„ვურჩიე შემდგომში, მოგვიანებით, რომ ის თვითონ შესულიყო ან ვინმე თავისი ნდობით აღჭურვილი პირი შესულიყო მამაოსთან და მოესმინა მისგან, კარგი იქნებოდა, მაგრამ მას არ აღმოაჩნდა ის ღირსება თუ სიმაღლე სულიერი თუ გამბედაობა, რომ ნაბიჯი გადაედგა და ემოქმედა უფრო მეტი ლეგიტიმაციით, აქედან გამომდინარე და დღემდე, როდესაც პოზიცია არ არის გამოხატული, რა თქმა უნდა არაფერი შეცვალა, ეს იყო თითქოს მცდელობა, რომ ყველაფერი შეცვლილიყო, ყველაფერი დასრულებულიყო, 2017 წელი მიეწერათ ბოროტი ძალებისათვის, რომელიც ეკლესიის წინააღმდეგ იბრძოდა და ამ დროს არავინ ახსენა უდანაშაულო მღვდელი, რომელიც სასჯელს იხდის აბსურდული ბრალდებით, წარმოგიდგენიათ? ადამიანს, რომელსაც ეუბნებიან, რომ შენ მიდიოდი პატრიარქის მდივანრეფერენტის მოსაწამლად ციანიდით გერმანიაში და გერმანიაში იმიტომ მიდიოდი, რომ იქ ადვილად მიიმალებოდი მართლმსაჯულებისაგან და ამას იმიტომ აკეთებდი, რომ ელოდებოდი თანამდებობრივ დაწინაურებას, რა უნდა ვისაუბროთ ამის შემდეგ?“, - განაცხადა მეუფე პეტრემ.