საპრეზიდენტო არჩევნებში სალომე ზურაბიშვილის კანდიდატურის წარდგინებას საქართველოს მესამე პრეზიდენტი ეხმაურება. მიხეილ სააკაშვილის თქმით, ივანიშვილი ორი კურდღლის დაჭერას ლამობს, ერთი ეს არის მოსკოვისთვის ანგარიშის გაწევა და მეორე მას იმედი აქვს, ,რომ ზურაბიშვილის კანდიდატურის მეშვეობით მიაღწევს მის წინააღმდეგ საფრანგეთში დაწყებული სისხლის სამართლის საქმის შეწყვეტას.

“ამ ქალის დასახელებით ივანიშვილი ორი კურდღლის დაჭერას ლამობს-ერთის მხრივ, ის აწყობს მოსკოვს ,მას შემდეგ,რაც მან არ გაამართლა ქართველი ხალხის ნდობა და უღალატა თავის ისტორიულ სამშობლოს,და,ამავე დროს,ივანიშვილს იმედი აქვს ,რომ ზურაბიშვილის კანდიდატურის მეშვეობით მიაღწევს მის წინააღმდეგ საფრანგეთში დაწყებული სისხლის სამართლის საქმის შეწყვეტას.

დაფიქრებულხართ იმაზე,თუ რატომ ვერ გადის ივანიშვილი საქართველოს ფარგლებს გარეთ,უკვე წელიწადზე მეტია?

ამის მიზეზი ისაა,რომ მას დააკავებენ საფრანგეთის მოსამართლის მითითებით.

ამიტომ,ის იმალება საქართველოში,რომელსაც სწრაფად აქცევს დანაშაულებრივი სინდიკატის სამალავად.

ოქტომბერში ჩვენ ამას დავუსვამთ წერტილს.

ის ვეღარც საქართველოში დაიმალება და ვეღარ ამოეფარება ხეებს!”- წერს მიხეილ სააკაშვილი და საკუთარ ფეისბუკგვერდზე ვიდეოს აზიარებს, რომელშიც ასახულია როგორ გამოეხმაურა ზურაბიშვილის კანდიდატურის წარდგინებას რუსულლი პროპაგანდისტული მედია.