საპრეზიდენტო არჩევნები 2018 - საქართველოს პარლამენტის თავმჯდომარე ირაკლი კობახიძე აცხადებს, რომ მმართველ გუნდს საპრეზიდენტო კანდიდატზე საკუთარი პოზიციის დაფიქსირება „არ ეჩქარება“.

კობახიძის თქმით, საპრეზიდენტო კანდიდატთან დაკავშირებით გუნდში იყო აზრთა სხვადასხვაობა:

„საპრეზიდენტო კანდიდატზე არ გვეჩქარება პოზიციის დაფიქსირება. თუ არ ვცდები, სამართლებრივი ვადა გვაქვს რვა სექტემბრამდე. გადავხედავთ არსებულ სპექტრს და იმის მიხედვით მივიღებთ გადაწყვეტილებას. იყო გარკევული აზრთა სხვადასხვაობა, როცა განხილვა წარიმართა და უმრავლესობაში იყვნენ ადამიანები, რომელთაც მიაჩნდათ, რომ ჯობდა ჩვენი მხრიდან ყოფილიყო დასახელებული კანდიდატი. თუმცა საბოლოოდ ერთხმად მივიღეთ გადაწყვეტილება, რომ არჩევნებში „ქართულ ოცნება“ არ წარდგება თავისი კანდიდატით. ეს იყო საბოლოო კონსენსუსის საფუძველზე მიღებული გადაწყვეტილება. თუმცა სხვადასხვა მოსაზრება ბუნებრივია არსებობდა”, – განაცხადა ირაკლი კობახიძემ.