ლას-ვეგასში შეიარაღებულმა მამაკაცმა, რომელიც მაღაზიის დაცვის სამსახურის თანამშრომელი აღმოჩნდა, სროლა სავაჭრო ცენტრის ტერიტორიაზე ატეხა.

როგორც გაირკვა, შემთხვევას კი წინ სავაჭრო ცენტრის მენეჯერთან სიტყვიერი დაპირისპირება უძღოდა.

ადგილზე პოლიციის მისვლის შემდეგ ეჭვმიტანილმა ცეცხლი სამართალდამცველებსაც გაუხსნა. ძალოვანებმა ის საპასუხო სროლის დროს დაჭრეს.

დაკავებული ადგილობრივ საავადმყოფოში გადაიყვანეს. შემთხვევის შედეგად სხვა არავინ დაშავებულა. სავაჭრო ცენტრში მომხდარი უთანხმოების მიზეზს გამოძიება ადგენს.