საპრეზიდენტო არჩევნები 2018 - ჯანდაცვის მინისტრი დავით სერგეენკო აცხადებს, რომ „ქართულ ოცნებას“ ჯერ არ აქვს მიღებული საბოლოო გადაწყვეტილება თუ რომელ კანდიდატს დაუჭერს მხარს:

„ფართო ფორმატში ბოლო შეხვედრის დროს, რომელიც ერთი კვირის წინ გაიმართა, მთავარი გადაწყვეტილება იყო მიღებული, რომ „ქართული ოცნება" არ წარმოადგენს პარტიულ კანდიდატს. რაც შეეხება, იმას, რომელ კანდიდატს დაუჭერს მხარს, ამაზე იყო შეთანხმება, რომ ჩვენ შევხედავთ ამ კანდიდატების წინასაარჩევნო პროგრამებს, მათ ხედვებს და ამის მიხედვით მივიღებთ გადაწყვეტილებას. ჯერ, საბოლოო გადაწყვეტილება, რომელ კანდიდატს დაუჭერს მხარს პარტია, არ არის მიღებული“, - განაცხადა სერგეენკომ.