საქართველოს ჯანდაცვის მინისტრის დავით სერგეენკოს განცხადებით, მეორე ტიპის დიაბეტის მედიკამენტების ფასი მცირდება. დავით სერგეენკოს თქმით, გადაწყვეტილება ქრონიკული დაავადებების სამკურნალო მედიკამენტებით უზრუნველყოფის პროგრამის ფარგლებში მიიღეს და ყველა მოქალაქეს შეეხება:

„ეს არის პირველი ნაბიჯი, როდესაც სახელმწიფომ დახარჯა არა თავისი ფინანსური რესურსი, არამედ თავისი რეპუტაციული ჩარევა განახორციელა, რაც გამოიხატა იმაში, რომ მწარმოებლებმა, რადგან ეს სოციალური პროექტი არის, მნიშვნელოვნად დაწიეს ფასები,“ - განაცხადა დავით სერგეენკომ.