გაერთიანებული ოპოზიციის „ძალა ერთობაშია“ საპრეზიდენტო კანდიდატი, გრიგოლ ვაშაძე და გაერთიანების სხვა ლიდერები ამბროლაურის აგრარულ ბაზარს ეწვივნენ და ადგილობრივ გლეხებს გაესაუბრნენ.

გრიგოლ ვაშაძის განცხადებით, მისი მთავარი საზრუნავი მოსახლეობისათვის საყოფაცხოვრებო პირობების გაუმჯობესება და სიღარიბის დაძლევა იქნება.

ვაშაძე ამბობს, რომ ამისათვის გაერთიანებულ ოპოზიციას კონკრეტული და თანამიმდევრული გეგმა აქვს.

„ამბროლაურის და რაჭის მდგომაროება სამედიცინო დიაგნოზია ამ ხელისუფლების 6 წლის ნაღვაწარის, უმუშევარი, გაჭირვებაში მყოფი ხალხი, რომელიც, რაც შეიძლება სწრაფად ელოდება ცვლილებებს იმისთვის, რომ ელემენტარულად გაიუმჯობესოს ცხოვრების პირობები. ადგილი, რომელიც მსოფლიო დონის კურორტი შეიძლება იყოს, დღეს არის გადაქცეული უდაბნოდ,“ - განაცხადა გრიგოლ ვაშაძემ.