"რუსები რომ შემოვიდნენ, ჩემი სახლი პირველი დაწვეს" - BBC-ის რეპორტაჟი საოკუპაციო საზღვრიდან

პოლიტიკა - 14:30, 10 Aug, 2018

1140

"რუსეთი კვლავ აგრძელებს მცოცავ ოკუპაციას, რუსეთის მესაზღვრეები რეგულარუად სწევენ ე.წ. საზღვარს საქართველოს მიერ კონტროლირებადი ტერიტორიის სიღრმეში, რის გამოც მთელი რიგი სოფლები მავრთულხლართითაა გაყოფილი," - ასე იწყება BBC-ის სტატია, რომელიც საოკუპაციო საზღვრიდან არის მომზადებული.

გუგუტიანთკარი მდიდარი სოფელია. მას 2008-ში, რუსულმნა არმიამ გადაუარა, როდესაც ისინი გორის მიმართულებით დაიძრნენ.

კორესპონდენტი სოფელ გუგუტიანთკარის მკვიდრ დიმიტრი გუგუტიშვილს გაესაუბრა.

"2008 წლის 12 აგვისტოს, როდესაც რუსი ჯარისკაცები და ოსები შემოვიდნენ, პირველი ჩემი სახლი გადაწყვეს. მე იქ ვიყავი, როდესაც სროლა დაიწყო, ბაღში დავიმალე და ვუყურებდი, როგორ წაუკიდეს ცეცხლი ჩემს სახლს," -ყვება ოკუპანტების მიერ დაზარალებული გუგუტიშვილი.

მაშინ მისმა ოჯახმა, რომელიც 13 ადამიანისგან შედგება სკოლის ყოფილ შენობას შეაფარა თავი, რომელიც მათი ახალი სახლი გახდა. ერთად ისინი მაშინ იკრიბებიან, როდესაც ზაფხულში შვილები მშობლების სანახავდ ჩამოდიან.

ომის დამთავრების შემდეგ ოკუპანტებმა ე.წ. საზღვრის გავლ;ება დაიწყეს, რაშიც გუგუტიანთკარიც მოჰყვა,

"2013 წელს ე.წ. საზღვარი პირდაპირ გუგუტიანთკარზე გაავლეს და დიდი ღია მწვანე დაფა დადგეს წარწერით "ოსეთის რესპუბლიკის საზღვარი". სახლების უმეტესობა საქართველოს კონტროლირებად ტერიტორიაზე დარჩა, თუმცა, ერთი დიდი ქუჩა - თვითაღიარებული სამხრეთ ოსეთის ტერიტორიაზე. ის დაცარიელებულია, ხალხი სახლებში ვეღარ დაბრუნდა," - წერს BBC.

დიმიტრი ხანდახან ახლოს მიდის თავის დანგრეულ სახლთან, ბაღსაც უვლის, რომელზეც მავრთულხლართია გავლებული, არ აპირებს მიატოვოს სოფელი.

"ვეკითხები ოჯახის უფროსს, თუ რას ფიქრობს იგი 10 წლის შემდეგ რუსებზე, ოსებზე, აქვს თუ არა კავშირი იმ ხალხთან, რომელიც იქით მხარეს დარჩა. დიმიტრი დაფიქრდა და მიპასუხა: "რთულია კარგი ურთიერთობა გქონდეს იმ ხალხთან, რომლებმაც დაწვეს და გაძარცვეს შენი სახლი. მე ვიცნობ იმათ, ვინც ეს გააკეთა. ორი მათგანი უკვე მოკვდა"," - წერს სტატიის ავტორი.