ბოლო 7 თვის მონაცემებით, "ევროპულმა საქართველომ“ ყველაზე მეტი შემოწირულება მიიღო

პოლიტიკა - 14:32, 10 Aug, 2018

1099

აუდიტის სამსახურის ინფორმაციით, ბოლო 7თვის მონაცემებით, ივლისის ჩათვლით, „ევროპულ საქართველომ" ყველაზე მეტი შემოწირულობა მიიღო.

პარტიაში შენატანი 92-მა ფიზიკურმა პირმა გააკეთა, რომელმაც 274 224 ლარს მიაღწია. მათთგან 7 040 ლარის არაფულად შენატანი, გიგა ბოკერიამ განახორციელა.

რაც შეეხება "ერთიან ნაციონალურ მოძრაობას", პარტიამ 29 ფიზიკური პირის შემოწირულება მიიღო. ჯამში, 69 179 ლარი შეადგინა.

"სამოქალაქო პლატფორმა - ახალი საქართველომ“ 8 ფიზიკური პირისგან 119 997 ლარის შემოწირულება მიიღო. ყველაზე მსხვილი შენატანები, პარტიის ლიდერმა გიორგი ვაშაძემ 20 000 ლარი და ცესკოს ყოფილმა თავმჯდომარემ ზურაბ ხარატიშვილმა 30 000 ლარი გააკეთეს.

"ქართულმა ოცნებამ“ იანვრიდან ივლისის ჩათვლით 9 ფიზიკური პირისგან, 93 025 ლარის შემოწირულება მიიღო. პარტიის გენერალურმა მდივანმა კახა კალაძემ 5 125 ლარის არაფულადი შემოწირულება გააკეთა, ყოფილი პრემიერ-მინისტრის ირაკლი ღარიბაშვილის სიმამრმა, თამაზ თამაზაშვილმა კი მმართველ პარტიაში 7 800 ლარიანი არაფულად შემოწირულება განახორციელა.

11 ფიზიკური პირისგა 35 289 ლარიანი შემოწირულება მიიღო „ახალი პოლიტიკური ცენტრი - გირჩმა“, თუმცა აღსანიშნავია, რომ იანვრიდან ივლისი ჩათვლით, 5 ყველაზე მსხვილი შემოწირულება პარტიის ერთ-ერთმა ლიდერმა ვახტანგ მეგრელიშვილმა განახორციელა. მეგრელიშვილმა „გირჩს“ ჯამში 33 950 ლარი შესწირა.