სირიის დიქტატორის ბაშარ ასადის მეუღლეს, ასმა ასადს მკერდის კიბო აქვს. ექომების განცხადებით, სიმსივნე ადრეულ სტადიაზე იქნა აღმოჩენილი და ასმას პირველი პროცედურები უკვე უტარდება. ამის შესახებ სირიის ხელისუფლების საიტი წერს.

ასმა ასადი აცხადებს, რომ ის იმ ერის ნაწილია, რომელმაც მსოფლიოს სიმტკიცე და სირთულეებთან გამკლავება უჩვენა, ამიტომ დაავადების წინააღმდეგ ბრძოლას გააგრძელებს.

43 წლის ასმა ასადი ლონდონში დაიბადა და გაიზარდა. მას ორმაგი მოქალაქეობა აქვს. უნივერსიტეტის დასრულების შემდეგ იგი ბრიტანეთში ბანკირად მუშაობდა. ასმა სირიაში 2000 წელს ჩამოვიდა და ექიმ-ოფთალმოლოგ ბაშარ ასადს გაჰყვა ცოლად. იმ დროს ასადი რამდენიმე თვის განმავლობაში უკვე ცვლიდა მამამისს, ჰაფეზ ასადს პრეზიდენტის პოსტზე.