პოლონეთში გამოიცა პოლონელი მწერლის, იაკუბ-ზდისლავ კშემინსკის ბრწყინვალე ლექსების კრებული "ოცნებები საქართველოზე", რომელიც მთლიანად მიეძღვნა საქართველოს. ყდაზე გამოსახულია მხატვარ მაია ორჯონიკიძის ნამუშევარი - "ძილი".

"დღეს, ფაშისტური რუსეთის საქართველოზე თავდასხმის ათი წლისთავზე, გამომცემლობა "Ridero, კრაკოვ"-მა გამოსცა ჩემი ლექსების კრებული საქართველოზე. ეს ნათელი დადასტურებაა პოლონელი და ქართველი ხალხის მემეგობრობის, ეს არის პოლონელის მიერ ახსნილი სიყვარული და დიდი თაყვანისცემა ჯადოსნური და ულამაზესი საქართველოს მიწისადმი," - ნათქვამია ავტორის წინასიტყვაობაში.

იაკუბ-ზდისლავ კშემინსკი ცნობილი პოლონელი პოეტი, მწერალი, ჟურნალისტი, დიპლომატი მეცნიერი და ექიმია. ამავე დროს იგი არის "პოლონეთ-უკრაინის სახელმწიფოთაშორისო პროექტის" სამეცნიეროსაექსპერტო საბჭოს თავმჯდომარე.