საპარლამენტო უმრავლესობის ლიდერმა არჩილ თალაკვაძემ, "ქართული ოცნების" საპრეზიდენტო კანდიდატის არ დასახელებასთან დაკავშირებით განაცხადა რომ, აღნიშნული გადაწყვეტილებით პრეზიდენტს უფრო ეფექტურად შეეძლება შეასრულოს თავისი ფუნქცია.

„მივიღეთ გადაწყვეტილება, რომ საპრეზიდენტო არჩევნებში ჩვენი პარტია - ქართული ოცნება, კანდიდატურას არ დააყენებს. მიგვაჩნია, რომ ახალი კონსტიტუციის ფარგლებში, რომელიც ჩვენ მივიღეთ, ზეპარტიული ფიგურა, ანუ კანდიდატი, რომელიც არც ერთი პარტიის მიერ არ იქნება წარდგენილი, უფრო ეფექტურად შეასრულებს პრეზიდენტის ფუნქციას,“- განაცხადა არჩილ თალაკვაძემ.