პრეზიდენტის მრჩეველის ფიქრია ჩიხრაძის განცხადებით, აღარ არის დრო სასამართლო სისტემაში არსებულ მნიშვნელოვან გამოწვევებს უბრალო ნაბიჯებით უპასუხონ. პრეზიდენტის ადმინისტრაციის წარმომადგენლები დღეს უზენაესი სასამართლოს თავმჯდომარეობის კანდიდატურასთან დაკავშირებით აკადემიური წრეების წარმომადგენლებს შეხვდნენ.

"ეს შეხვედრა ძალიან საინტერესო იყო ანალიზის თვალსაზრისით, თუ რა მდგომარეობა გვაქვს დღეს სასამართლოში და რა ნაბიჯებია მნიშვნელოვანი და სწრაფად გადასადგმელი, რომ მინიმალური პოზიტიური რესურსი ავამუშაოთ სასამართლოში ნეგატიური პროცესის შესაჩერებლად და ახალი პროცესის დასაწყებად. მე მგონია, რომ ეს პროცესი უნდა წარიმართოს ძალიან კონსტრუქციულად. დღეს იყო შეხვედრა პროფესიულ წრეებთან და ჩვენ გავაგრძელებთ ამ შეხვედრებს.

ჩვენ აღარ გვაქვს დრო ძალიან მნიშვნელოვან გამოწვევებს ვუპასუხოთ უბრალ ნაბიჯებით. ეს პასუხისმგებლობა როგორც პრეზიდენტზე, ასევე პარლამენტზეა. ჩვენ ყველა საერთაშორისო ორგანიზაციის დასკვნაში ვხედავთ პრობლემებზე სასამართლო სისტემასთან დაკავშირებით. ძალიან მნიშვნელოვანია არსებული შეცდომების ანალიზით, კონსენსუსს დაფუძნებული ჯანსაღი პროცესი წარიმართოს", - განაცხადა ჩიხრაძემ.