ხორავას ქუჩაზე მოკლული მოზარდის, დავით სარალიძის მამა ზაზა სარალიძემ და ჟურნალისტმა ელისო კილაძემ გერმანიის საელჩოს მიმართეს. საუბარია სტრასბურგში დაგეგმილ ვიზიტზე, რომელიც იმის გამო ჩაიშალა, რომ ზაზა სარალიძე და მალხაზ მაჩალიკაშვილი გერმანიის საზღვარზე არ გადაუშვეს.

ამის შესახებ ჟურნალისტი ელისო კილაძე სოციალურ ქსელში წერს:

„ზაზა სარალიძემ და მე ოფიციალური წერილით მივმართეთ გერმანიის ელჩს საქართველოში ქ-ნ ჰაიკე ფაიჩს, გადავეცით მასალები და ვთხოვეთ დახმარება, გერმანულ მხარეს მიაწოდოს ობიექტური ინფორმაცია სტრასბურგში ჩაშლილი ვიზიტის დეტალებზე!

მადლობა გერმანიის საელჩოს ოპერატიული გამოხმაურებისთვის !“, - წერს ელისო კილაძე.