გაერთიანებული ოპოზიციის „ძალა ერთობაშია“ კანდიდატმა, გრიგოლ ვაშაძემ და გაერთიანების სხვა ლიდერებმა პატივი მიაგეს 2008 წელს საქართველოს თავისუფლებისა და ტერიტორიული მთლიანობისათვის ბრძოლაში დაღუპული სამხედროს, იაგო მიქელაძის ხსოვნას.

გრიგოლ ვაშაძის განცხადებით, სწორედ ასეთი გმირების დამსახურებაა, რომ საქართველო თავისუფალია.

გაერთიანებული ოპოზიციის ლიდერები ქედაში სოფელ მერისს ესტუმრნენ. მოსახლეობის განცხადებით, მკვეთრად გაიზარდა უმუშევრობის დონე, მოქალაქეებს არ აქვთ სახელმწიფოს მხრიდან მინიმალური მხარდაჭერა, რათა საკუთარი შრომით მიიღონ ღირსეული შემოსავალი. მათი თქმით, ვითარების გამოსასწორებლად აუცილებელია ხელისუფლების ცვლილება.