ჰოლანდიელი მოქალაქეების ჯგუფი მზად არიან, თავდებში ჩაუდგნენ მაჩალიკაშვილს და სარალიძეს შენგენის ზონაში შემოსაყვანად

ჰოლანდიელი მოქალაქეების ჯგუფი მზად არიან, თავდებში ჩაუდგნენ მაჩალიკაშვილს და სარალიძეს შენგენის ზონაში შემოსაყვანად - სააკაშვილი

პოლიტიკა - 22:36, 05 Aug, 2018

1370

„ჰოლანდიელი მოქალაქეების ჯგუფი, რომელშიც შედიან ოფიციალური სტრუქტურების თანამშრომლები მზად არიან თავდებში ჩაუდგნენ მაჩალიკაშვილს და სარალიძეს, შემოიყვანონ ისინი შენგენის ზონაში რათა მათ დაუბრკოლებლად შეძლონ ჩასვლა და მისვლა ადამიანის უფლებების საერთაშორისო ორგანიზაციებში,“-ამის შესახებ განცხადება, მიხეილ სააკაშვილმა მიუნხენის აეროპორტში მომხდარ ინციდენტთან დაკავშირებით გააკეთა.

სააკაშვილის თქმით, სუსის მცდელობა გერმანელი სამართალდამცავების ხელით მოეშორებინათ მალხაზ მაჩალიკაშვილი, ცრუდასმენის საფუძველზე ჩაიშალა.

საქართველოს მესამე პრეზიდენტი ამბობს, რომ ხელისუფლებამ სრულიად დაუსაბუთებლად ტერორისტად გამოაცხადა უდანაშაულო ადამიანი მალხაზ მაჩალიკაშვილი.

„მე მგონი არის ძალიან დიდი უსამართლობა. უკვე ყველა ვხვდებით, რომ რაც შეეხება მალხაზ მაჩალიკაშვილს, მას მოუკლეს შვილი სპეცოპერაციაში. რა თქმა უნდა არ გამოვრიცხავ, რომ ეს შეიძლება ყოფილიყო ტრაგიკული შეცდომა. მაგრამ ის რაც მოჰყვა ამას შემდეგ იყო დანაშაული. რადგან იმის მაგივრად რომ ყოფილიყო მოკვლევა რა მოხდა, რატომ მოკლეს უდანაშაულო ახალგაზრდა მას ჩაუდეს ოთახში ხელყუმბარა, მოიგონეს ათასი უმსგავსობა, ხელი დააფარეს მონაწილეებს და ახლა უკვე მის მამას რომელიც არის სრულიად უდანაშაულო ადამიანი, გულწრფელი, ნორმალური მშრომელი კაცი ადანაშაულებენ ტერორიზმში. მხოლოდ იმიტომ რომ ის აპირებდა სტრასბურგში ჩასვლას. იმიტომ რომ ვერ იპოვა სამართალი საქართველოში და ადამიანის უფლებების კომისრის შეხვედრას. ევროსასამართლოში შეხვედრას ევროპარლამენტარებთან კონტაქტის დამყარებას,“-განაცხადა მიხეილ სააკაშვილმა.

ზაზა სარალიძის, მალხაზ მაჩალიკაშვილის და ელისო კილაძის სრასბურგში დაგეგმილი ვიზიტი ჩაიშალა. ელისო კილაძის ინფორმაციით, საქმეში ფუგურირებს სუს-ი. თავად ზაზა სარალიძის ინფორმაციით, მიუნხენის აეროპორტში გაიგზავნა დაშიფრული ფაილი რის შემდეგაც შუამავალი ორგანიზაციის წარმომადგენელი აეროპორტში გააჩერეს და მას მალხაზ მაჩალიკაშვილსა და ტერორიზმთან კავშირზე დაუსვეს კითხვები.