პარლამენტში შექმნილ დროებით საგამოძიებო კომისიის მუშაობას ეხმიანება საქართველოს მესამე პრეზიდენტი, სააკაშვილი ამბობს, რომ რეალურად ეს იყო ბლეფი.

„ის კომისია რომელიც შეიქმნა პარლამენტში ამ საკითხის გამოკვლევაზე აღმოჩნდა სრული ბლეფი სამწუხაროდ. იმიტომ, რომ მე ვნახე ბოლოს დაიბარეს წულუკიანი და საერთოდ პრაქტიკულად კითხვა არ დაუსვეს რაც იყო დაცინვა საზოგადოების და იმ ხალხის ვინც დაზარალდა. უშუალოდ წულუკიანის მითითებით ხდებოდა გაყალბება ამ საქმის, უშუალოდ პროკურატურაში და რა თქმა უნდა ყველაფერი შესულია ჩიხში,“-განაცხადა სააკაშვილმა.

მისი თქმით, საერთაშორისო ორგანიზაციების ჩარევა ამ საქმეებში არის აუცილებელი. ის ასევე პირობას დებს, რომ საპრეზიდენტო არჩევნების დასრულების შემდეგ როცა შეიცვლება ხელისუფლება ეს საქმეები იქნება გამოძიებული და დამნაშავეები დასჯილი.