მოზარდების მკვლელობის საქმე - პარლამენტის დროებითმა საგამოძიებო კომისიამ დღეს საქართველოს შინაგან საქმეთა მინისტრი გიორგი გახარია და ყოფილი მთავარი პროკურორი ირაკლი შოთაძე გამოკითხა. პროცესის დასრულების შემდეგ, შს მინისტრმა ჟურნალისტებთან კომენტარი გააკეთა:

„ჩვენ არ მოვსულვართ ოპოზიციასთან, ჩვენ მოვედით კომისიასთან, გამოძიება გრძელდება, გამოყოფილი საქმე გრძელდება, ერთმნიშვნელოვნად ვამბობთ, რომ ამ ტრაგიკული საქმის ფარგლებში ყველა კითხვას გაეცემა პასუხი, საპარლამენტო კონტროლის მნიშვნელობა ჩვენთვის კრიტიკულად მნიშნელოვანია, ამიტომაც მოვედით და გავეცით კითხვებს პასუხი, ჩვენ დღეს კომისიას ვუთხარით, თუ კომისია გამოავლენს ისეთ ხარვეზებს, რომელსაც პირდაპირი ზეგავლენა ჰქონდა საბოლოო შედეგზე სასამართლოსი, მივიღებთ შესაბამის ზომებს, ის საგამოძიებო მოქმედებები რომლებიც ჩამოთვალეს, კომისიას არ აქვს დადგენილი არის თუ არა პირდაპირ კავშირში, მე ვფიქრობ რომ არ აქვს კავშირი, ჩვენ ველოდებით კომისიის დასკვნას“, - განაცხადა გიორგი გახარიამ.