დროებითი საგამოძიებო კომისიის წევრმა, დიმიტრი ცქიტიშვილმა სხდომის მიმდინარეობისას აღნიშნა, რომ თბილისში ხორავას ქუჩაზე მკვლელობის საქმის შემსწავლელმა დროებითმა საგამოძიებო კომისიამ ორ თვენახევარში გამოავლინა გარემოება, რომელიც გამოძიებამ მერვე თვეს დაადგინა.

„მინდა შენიშვნა ვთქვა იმასთან დაკავშირებით, რომ ორ თვეში თითქოს, არ შედგა ან ვერ დავადგინეთ ახალი გარემოებები. მე ვიტყვი, რომ ორ თვენახევარში დავადგინეთ და ისეთი გარემოება, რომელიც მერვე თვეს დაადგინა გამოძიებამ. გარდა ამისა, დავადგინეთ, რომ არის რამდენიმე ცრუ ჩვენება, რომელიც თქვენ დაადგინეთ, მაგრამ ჩვენ უფრო ცოტა დრო დაგვჭირდა. ვფიქრობ, თუ პირველად გამოძიებაში შესაძლებელი იყო ამის დადგენა, შეიძლებოდა, ცოტა განსხვავებულად ემუშავათ მონაწილეებს, ან მეტი თანამშრომლობა გამოეჩინათ. ეს შესაძლოა ჩემი შეფასებაა, მაგრამ მგონია, რომ კომისიის მიმართ ასეთი დამოკიდებულება არ არის სწორი“, - განაცხადა ცქიტიშვილმა.