"გამოძიებამ მიხეილ კალანდიას ტანსაცმელი არ კი არა, ვერ ამოიღო" - შს მინისტრმა მისივე უწყებისა და პროკურატურის წარმომადგენლების განცხადება უარყო

პოლიტიკა - 12:07, 03 Aug, 2018

946

შს მინისტრ გიორგი გახარიას განმარტებით, გამოძიებამ მიხეილ კალანდიას ტანსაცმელი არ კი არა, ვერ ამოიღო. ეს განცხადება მინიტრმა მაშ შემდეგ გააკეთა, რაც ოთარ კახიძე დაინტერესდა იცის თუ არა შს მინისტრმა, რომ მიხეილ კალანდია იმყოფებოდა ფარდულში ჩხუბის დაწყებიდან ბოლომდე, იყო ფიზიკურ კონტაქტში დავით სარალიძესთან.
აბესაზის თქმით, მიხეილ კალანდიას სახლი არ გაჩხრეკილა და გამოძიებას არ ამოუღია მისი ტანსაცმელი, რომელიც საქმის მასალების მიხედვით, სისხლიანი იყო.
„არ ამოუღია არ არის სწორი განმარტება, ვერ ამოიღო უფრო სწორი განმარტება იქნება“, - განაცხადა გიორგი გახარიამ.

საგამოძიებო კომისიის თავმჯდომარემ გამოსაკითხ პირებს შეახსენა, რომ საგამოძიებო კომისიამ გამოკითხა აღნიშნული პირები და მათ თქვეს, რომ ტანსაცმელი არ გადაუგდიათ და დღემდე სახლში აქვთ.

„პროკურატურის და შს სამინისტროს წარმომადგენელმა თქვეს, რომ მათ ეს ვერ ამოიღეს, იმიტომ რომ გადაგდებული იყო და ის ადამიანები, ვიზეც საუბარია, იმყოფებოდნენ გამოკითხვაზე და მათ დაგვიდასტურეს, რომ დღემდე სახლში აქვთ და არ გადაუგდიათ არსად ეს ტანსაცმელი“, - განაცხადა კაპანაძემ.