საკონსტიტუციო სასამართლოს დახურვის მოთხოვნას საქართველოს საკონსტიტუციო სასამართლოს თავმჯდომარე ზაზა თავაძე ეხმაურება. თავაძის განცხადებით, სასამართლო მომავალშიც გააგრძელებს კონსტიტუციისა და კონსტიტუციით გარანტირებული უფლებებისა და თავისუფლების დაცვას:

„ამ ქვეყანაში უკვე 22 წელია კონსტიტუციურ მართლმსაჯულებას ახორციელებს საკონსტიტუციო სასამართლო, რომელიც არის ქვეყანაში კონსტიტუციის დაცვის მთავარი გარანტი, შესაბამისად საკონსტიტუციო სასამართლო მომავალშიც გააგრძელებს კონსტიტუციურ მართლმსაჯულების განხორციელებას საქართველოს კონსტიტუციის შესაბამისად ადამიანის უფლებების დაცვის კუთხით, მიუხედავად იმისა ეს ვინმეს მოეწონება, თუ არ მოეწონება,“- აცხადებს ზაზა თავაძე.