IRI არ ადასტურებს ტვ „პირველისა“ და „ტაბულას“ მიერ გავრცელებულ საპრეზიდენტო არჩევნების კვლევას

პოლიტიკა - 17:04, 02 Aug, 2018

2647

საერთაშორისო რესპუბლიკური ინსტიტუტი (IRI) ტვ "პირველისა" და "ტაბულას" მიერ გავრცელებულ საპრეზიდენტო არჩევნების და კანდიდატების კვლევასთან დაკავშირებულ ინფორმაციას ეხმაურება. ორგანიზაცია უარყოფს კვლევაში საპრეზიდენტო არჩევნებთან დაკავშირებულ კითხვას.

„საერთაშორისო რესპუბლიკური ინსტიტუტის კვლევის საველე სამუშაოები ჩატარდა 2018 წლის აპრილში. კვლევის შედეგები გამოქვეყნდა 2018 წლის მაისში. ჩვენს კვლევაში არ ყოფილა შეკითხვა საპრეზიდენტო არჩევნებთან და შესაბამისად საპრეზიდენტო კანდიდატებთან დაკავშირებით. შეგიძლიათ კვლევა იხილოთ შემდეგ ბმულზე.

მომავალში, იმისათვის, რომ თავიდან იქნეს არიდებული გაურკვევლობა, გთხოვთ, გადაამოწმოთ როლმელმა ორგანიზაციამ ჩაატარა კვლევა. მადლობა!“ - ნათქვამია ამერიკის საერთაშორისო რესპუბლიკური ინსტიტუტის (IRI)-ის ფეისბუქის ოფიციალურ გვერდზე გავრცელებულო განცხადებაში.

,,ნიუპოსტი“ ფაქტთან დაკავშირებით IRI_ის თბილისის ოფისს დაუკავშირდა, სადაც გვიპასუხეს, საერთაშორისო რესპუბლიკურმა ინსტიტუტმა კვლევის საველე სამუშაოები ჩაატარა 2018 წლის აპრილში. კვლევა გამოქვეყნდა 2018 წლის მაისში. ხოლო მას შემდეგ კვლევა არ ჩატარებულა. ორგანიზაციაში ამბობენ, რომ დამატებითი კომენტარის გაკეთებას არ აპირებენ.

რაც შეეხება აპრილის კვლევას, რომელიც ორგანიზაციისვე განმარტებით მაისში გამოქვეყნდა და ის საზოგადოებისთვის ცნობილი იყო, მასში საპრეზიდენტო არჩევნებთან და შესაბამისად, კანდიდათან დაკავშირებით კითხვა არ არის დასმული.