ოკუპირებული აფხაზეთის ე.წ. საგარეო საქმეთა სამინისტრი „ღრმა შეშფოთებას“ გამოთქვამს საქართველოში მიმდინარე NATO-ს წვრთნების „ღირსეული პარტნიორი 2018“-ის გამო, რომელშიც მონაწილეობას სამი ათასზე მეტი სამხედრო მოსამსახურე, ჯავშანტექნიკა და თვითმფრინავი მიიღებს მონაწილეობას. ამასთანავე, მარიონეტული რეჟიმი რეგიონში შესაძლო ესკალაციაზე პასუხისმგებლობას საქართველოს და მის დასავლელ პარტნიორებს აკისრებს.

„მსგავსი ფარტომასშტაბიანი სამხედრო ქმედებები ხორციელდება აშშ-ის და სხვა დასვლური ქვეყნების პირდაპირი მხარდაჭერითა და დაფინანსებით , რომლებიც საკუთარი ქმედებებით საქართველოს სამომავლო მილიტარიზაციის პროცესს გამიზნულად ხელს უწყობენ. ჩვენ ღრმად ვართ დარწმუნებულები, რომ საქართველოს სამხედრო-ტექნიკური პოტენციალის პერმანენტული ზრდა, პირდაპირ საფრთხეს უქმნის როგორც აფხაზეთის რესპუბლიკის ეროვნულ უსფრთხოებას, ასევე სამხრეთ კავკასიის მთელ რეგიონში მშვიდობასა და სტაბილურობას.

გვინდა ხაზგასმით აღვნიშნოთ, რომ დასავლური ქვეყნების კოალიციის პოლიტიკას, რომელიც საქართველოს ყოვლისმომცველ სამხედრო დახმარებას ისახავს მიზნას, შეუძლია , რეგიონში დაძაბულობის მორიგი რაუნდი გამოიწვიოს და სერიოზულ ზიანს მიაყენებს იმ საერთაშორისო ფორმატს, რაცსაქართველოსთან კონფლიქტის რეგულირებას ემსახურება.

საქართველოს და მისი დასავლელი პარტნიორების დესტრუქციული ქმედებების სიმეტრიულ პასუხად, აფხაზური მხარე რუსეთის ფედერაციასთან, ქვეყნის უსაფრთხოების უზრუნველყოფის მიზნით, სამხედრო-ტექნოლოგიური თანამშრომლობის ინტენსიფიცირებას გეგმავს“ - ნათქვამია მარიონეტული რეჟიმის ე.წ. საგარეო რეჟიმის განცხადებაში.

მრავალეროვნული სამხედრო სწავლება "ღირსეული პარტნიორი 2018" 15 აგვისტომდე გაგრძელდება. მასში ნატოს წევრი და პარტნიორი 13 ქვეყანა იღებს მონაწილეობას: საქართველო, აშშ, დიდი ბრიტანეთი, გერმანია, ესტონეთი, საფრანგეთი, ლიეტუვა, პოლონეთი, ნორვეგია, თურქეთი, უკრაინა, აზერბაიჯანი და სომხეთი.

მასში ნატოს წევრი და პარტნიორი ქვეყნის 3000-ზე მეტი სამხედრო მოსამსახურე იღებს მონაწილეობას. გაზრდილია სწავლებაში მონაწილე ამერიკის შეერთებული შტატების ავიაციისა და გერმანული ჯავშანტექნიკის რაოდენობაც.

მრავალეროვნული სამხედრო სწავლება „ღირსეული პარტნიორი 2018“-ის მიზანია საქართველოს, აშშ-ის და პარტნიორ ქვეყნებს შორის მზადყოფნის და თავსებადობის ამაღლება. ასევე, სტაბილურობის, თავდაცვითი და შეტევით ოპერაციებში უნარ-ჩვევების გაუმჯობესება და შავი ზღვის აუზში უსაფრთხოების გარემოს შექმნაში წვლილის შეტანა. სწორედ ამიტომაც, სწავლების მთავარი გზავნილია „ძალა პარტნიორობაშია“. სწავლება კომპლექსურია და მისი სცენარი ითვალისწინებს სამეთაურო-საშტაბო და საველე სწავლებებს საბრძოლო სროლებით, სამანევრო და საბრძოლო მხარდამჭერი ელემენტების ურთიერთქმედებას თავდაცვით და შეტევით ოპერაციებში.