ჩინეთის დიდი კედლის ნაწილი ჩამოიშალა (ფოტო)

მსოფლიო - 15:09, 02 Aug, 2018

4482

ჩინეთის დიდი კედლის ნაწილი ჩამოიშალა.

საქმე ეხება ახლად შეკეთებულ ნაწილს, რომელმაც ძლიერ წვიმებს ვერ გაუძლო. საუკუნოვანი სტრუქტურის რეკონსტრუირებული ნაწილის ჩამონგრევაში იმ კომპანიას ადანაშაულებენ, რომელაც განახორციელა სამუშაოები.
დაზიანებული ნაწილი, შანქსის პროვინციაში მდებარეობს. ეს ნაწილი 22 ივლისიდან დაიხურა და ადგილობრივი ორგანოები ახლა გადაუდებელ ზომებს იღებენ მის შესანარჩუნებლად.
კრიტიკოსები ვარაუდობდნენ, რომ დიდი კედლის სხვადასხვა ნაწილში სარემონტო სამუშაოებმა, კედლის საფუძველი შეასუსტა, რამაც კედელი უფრო მგრძნობიარე გახადა ეროზიისა და კოლაფსის მიმართ.

ჩინეთის დიდი კედელი ჩინური სამხედრო ნაგებობა, უდიდესი არქიტექტურული ძეგლი. მდებარეობს ჩრდილოეთ ჩინეთში და მიუყვება აღმოსავლეთიდან დასავლეთის მიმართულებით 8851,9 კმ-ის სიგრძეზე. გარკვეულ მანძილზე კედელი უახლოვდება პეკინს. სხვა მონაცემებით, კედლის სიგრძე თავიდან ბოლომდე ყოფილა 21 196 კმ.დიდი კედლის პირველი უბნების მშენებლობა დაიწყო ძვ.წ. III ს. იმპერატორ ცინ შიხუანდის მიერ მეომარ სამეფოთა პერიოდში ჩრდილოეთიდან მომთაბარე ტომების თავდასხმებისაგან თავდასაცავად. მშენებლობა მიმდინარეობდა საუკუნეთა მანძილზე თითქმის მე-17 საუკუნემდე.
მას ყოველწლიურად მილიონობით ტურისტი სტუმრობს.