ბრიტანელმა ჯენიფერ ეშვუდმა, თებერვალში, ორსულობის მე-20 კვირას აღმოაჩინა, რომ მას ორი საშვილოსნო ჰქონდა და რაც ყველაზე მნიშვნელოვანია, ის ტყუპებზე იყო ორსულად. ერთი ნაყოფი ერთ საშვილოსნოში იყო მოთავსებული, მეორე - მეორეში.

ალბათობა იმისა, რომ ე.წ. ორმაგ საშვილოსნოში ტყუპი ჩაისახოს და განვითარდეს, 500 მილიონიდან ერთია, ამიტომ ექიმები მის ორსულობაზე ძალიან ღელავდნენ და განსაკუთრებული დაკვირვების ქვეშ ჰყავდათ.

"დეილი მეილის" ცნობით, ჯენიფერს, ორსულობის 34-ე კვირას, მას საკეოსრო კვეთა ჩაუტარდა და ტყუპები ყოველგავრი გართულებების გარეშე დაიბადნენ.

პოპი და პირანი ახლა თავს არაჩვეულებრივად გრძნობენ.

აღსანიშნავია, რომ ეს ჯენიფერის მეორე მშობიარობა იყო. პირველ ორსულობაზე ექიმებმა ვერ შენიშნეს, რომ მას ორი საშვილოსნო ჰქონდა.