"პრეზიდენტი ცდილობს ხოლმე არაეთიკური გამოთქმებით, ჩრდილი მიაყენოს „ქართული ოცნების“ იმიჯს"

"პრეზიდენტი ცდილობს ხოლმე არაეთიკური გამოთქმებით, ჩრდილი მიაყენოს „ქართული ოცნების“ იმიჯს" - კობახიძე

პოლიტიკა - 11:03, 02 Aug, 2018

810

საქართველოს პარლამენტის თავმჯდომარე ირაკლი კობახიძე საქართველოს პრეზიდენტს აკრიტიკებს.

თავის მხრივ გიორგი მარგველაშვილმა აღნიშნა, რომ „ქართული ოცნების“ მხრიდან უპარტიო კანდიდატის დასახელება „წინასაარჩევნო კურიოზია".

ირაკლი კობახიძე პარალელს ავლებს ლიეტუვასთან და ამბობს, რომ დალია გრიბაუსკაიტე სწორედ ამ ფორმით არის არჩეული.

„ლიეტუვას პრეზიდენტი გრიბაუსკაიტე არის ზუსტად ასეთი სახით არჩეული. პირველ ჯერზე ის იყო დამოუკიდებელი კანდიდატი. მას მხარი დაუჭირა მაშინდელმა მმართველმა პარტიამ რესპუბლიკურმა პარტიამ და ასე გახდა ის პრეზიდენტი. ამაში კომიკური არაფერი არ არის. სამწუხაროდ პრეზიდენტი ცდილობს ხოლმე ასეთი არაეთიკური გამოთქმებით რაღაცნაირად ჩრდილი მიაყენოს „ქართული ოცნების“ იმიჯს თუმცა ამას ის ბუნებრივია ვერ ახერხებს,“-განაცხადა ირაკლი კობახიძემ.

მისივე შეფასებით, „ქართული ოცნებისთვის“ არ იქნება გამოწვევა დაასახელებს თუ არა გიორგი მარგველაშვილის თავის კანდიდატურას. ირაკლი კობახიძე არც მეორე ტურის ჩატარებას გამორიცხავს.