„5 წლის განმავლობაში ამომრჩევლის დასაბნევად ყველაფერი გავაკეთეთ“ - მარგველაშვილი NDI-ს კვლევასა და გადაუწყვეტელ ამომრჩეველზე

პოლიტიკა - 15:27, 01 Aug, 2018

514

საქართველოს პრეზიდენტი გიორგი მარგველაშვილია NDI-ს კვლევებს ეხმაურება და აცხადებს, რომ გადაუწყვეტელი ამომრჩევლის მაღალი პროცენტული მაჩვენებელი განაპირობა იმან თუ როგორც მოექცა მმართველი გუნდი პრეზიდენტის ინსტიტუტს. ამის შესახებ პრეზიდენტმა დღეს გამართულ ბრიფინგზე ისაუბრა:

„ჩვენ ვსაუბრობთ გადაუწყვეტელ ამომრჩეველზე, ყველაფერი გავაკეთეთ ამ ხუთი წლის განმავლობაში, იმისთვის, რომ დაგვებნია ჩვენი ქვეყნის ამომრჩეველი და დაგვებნია მათი მოლოდინები ქვეყნის მტავარ ინტიტუტებთან მიმართებით. დღეს ამომრჩეველმა იცის, რომ პრეზიდენტს უკვე ჩამოართვეს უშიშროების საბჭო, რომ პრეზიდენტს ჩამოართვეს მოსამართლეების დანიშვნის უფლება, რომ პრეზიდენტს ჩამოართვეს საერთაშორისო აქტიურობების უფლება, მოქალაქეობის უფლების ნაწილშიც ფაქტიურად იუსტიციის მინისტრის გადასაწყვეტი იქნება ეს საკითხები, აქედან გამომდინარე მოქალაქეები დაბნეულები არიან, არა მარტო მოქალაქეები არიან დაბნეულები, მთელი პოლიტიკური სპექტრია დაბნეული, იმიტომ, რომ ბევრი წლის განმავლობაში მიმდინარეობდა სისტემურად რყევა, არა მარტო პრეზიდენტის ინსტიტუტის, არამედ ისეთი მნიშვნელოვანი ინსტიტუტის, როგორიც არის მაგალითად უშიშროების საბჭო და სხვა. შესაბამისად, ჩემთვის არ არის გასაოცარი ჩამოუყალიბებლობა მოქალაქეების, იმასთან დაკავშირებით თუ რა მოლოდინები უნდა ჰქონდეთ საპრეზიდენტო ინსტიტუტის მიმართ. ჩემს გადაწყვეტილებას მოგახსენებთ, როდესაც მე ამასთან დაკავშირებით ვიქნები ჩამოყალიბებული, მათ შორის ეს საკითხებია, რომელიც ჩამოგითვალეთ, იმიტომ, რომ ძალიან რთულია ქვეყანაში, სადაც ამდენი გაჭირვებაა, იყო იმ ქვეყნის პირველი პირი და არ შეგეძლოს დაეხმარო შენს მოქალაქეებს, ვიზეც ყველაზე მეტად შეგტკივა გული, შესაბამისად ამ გადაწყვეტილებას მოგახსენებთ, როდესაც მივიჩნევ საჭიროდ“, - აღნიშნა გიორგი მარგველაშვილმა.