„წინასაარჩევნო კურიოზი“ - პრეზიდენტი „ქართულ ოცნებასა“ და დამოუკიდებელი კანდიდატის მხარდაჭერაზე

პოლიტიკა - 15:26, 01 Aug, 2018

1604

საქართველოს პრეზიდენტის, გიორგი მარგველაშვილის განცხადებით, „ქართული ოცნება კურიოზულ წინასაარჩევნო კამპანაის“ აწარმოებს იმ ფაქტით, რომ ის საუბრობს დამოუკიდებელი კანდიდატის მხარდაჭერაზე.

მარგველაშვილის თქმით, ეს არ არის სიახლე, რადგან 5 წლის წინ ისიც უპარტიო კანდიდატი იყო და მას მხარი „ქართულმა ოცნებამ“ დაუჭირა:

„ქართული ოცნების“ კანდიდატი როგორც ასეთი ბუნებაში არ არსებობს. ამდენი ხნის განმავლობაში ვსაუბრობდი იმის თაობაზე, რომ „ქართული ოცნება“ ვერ დააყენებს კანდიდატს, იმიტომ, რომ საპრეზიდენტო კანდიდატმა ამ ყველაფერზე, რაც მე ვთქვი, ასევე იმ დანარჩენზე რაც ხუთი წლის განმავლობაში იყო, რომ ვეტოს თუ გამოიყენებ მტერი ხარ და სასახლეში თუ შეხვალ მოღალატე ხარ, მთელი ეს თემები თავის თავზე უნდა აიღოს და ხელი მოაწეროს, რომ იქნება მორჩილი და ყველაფრის შემსრულებელი. აქედან გამომდინარე, იმას რასაც დღეს ჩვენ ვისმენთ, რომ იქნება არაპარტიული კანდიდატი, რომელსაც თურმე, მმართველი პარტია დაუჭერს მხარს, ეს ფენომენი, რა განსხვავება იქნება ამ კანდიდატსა და ჩემს შორის, როდესაც მე ვიყავი საპრეზიდენტო კანდიდატი? ზუსტად ასე, მე არ ვიყავი არც ერთი პარტიის წევრი და მმართველი პარტია მიჭერდა მხარს. შესაბამისად იმ კანდიდატმა და შესაბამისად „ქართულმა ოცნებამ“ უნდა უპასუხოს ერთ მნიშვნელოვან კითხვას, თუ 5 წლის განმავლობაში, მე რომ მაყვედრიდა მმართველი პარტია, რომ თურმე ჩემს გვერდით იდგა არჩევნებში, აქედან გამომდინარე, რომ მეუბნებოდა, ყველაფერზე ხელი უნდა მომეწერა და რასაც მმართველი პარტიის პოლიტსაბჭო გადაწყვეტდა, რანაირ დამოუკიდებელ კანდიდატზე გვაქვს საუბარი? ასე რომ ეს კიდევ ერთი კურიოზი, გეგონება ახალი ფორმატი არის უპარტიო კანდიდატი. აბა მე ვინ ვიყავი? უპარტიო კანდიდატი არ ვიყავი, რომელსაც იმას აყვედრიდნენ 5 წელიწადი, რომ თურმე „ქართული ოცნება“ რასაც იტყვის, იმ დღისწესრიგისთვის უნდა დამეჯერებინა. ეს ცავთვალოთ წინასაარჩევნო კურიოზად, რომ უპარტიო კანდიდატს ასახელებს „ქართული ოცნება“. ან არის პარტიის კანდიდატი, ან არ არის“, - განაცხადა გიორგი მარგვლეაშვილმა.