ტყუპი გოგონები ბებია-ბაბუის მკლავებში გარდაცვლილები იპოვეს - შემზარავი ტრაგედია, რომელმაც მსოფლიო შეძრა

ეს საინტერესოა - 10:29, 01 Aug, 2018

10376

საბერძნეთი ტყის ხანძრის შედეგად დაღუპულებს გლოვობს. მათ შორის 9 წლის ტყუპი გოგონები, ვასილიკი და სოფია პილიპოპულუები, რომელთა ტრაგედიამაც მთელი მსოფლიო შეძრა. მათ ხანძრის გაჩენის წუთებიდანვე ეძებდნენ, ბოლოს კი ბებია-ბაბუის მკლავებში გარდაცვლილები იპოვეს. გოგონები მათთან ჩახუტებულები დაიწვნენ.

გოგონების მამა ვარაუდობდა, რომ ისინი ერთ-ერთ სამაშველო გემზე იყვნენ, რომლითაც ხალხი წყლიდან ამოიყვანეს, რადგან ერთ-ერთ კადრებზე გოგონები დააფიქსირეს, თუმცა მოგვიანებით მამამ კადრები ნახა და განაცხადა, რომ მისი შვილები არ იყვნენ. თუმცა, სამწუხაროდ, ისინი დამწვრები იპოვეს.

შეგახსენებთ, საბერძნეთში ტყის ხანძრის შედეგად დაღუპულთა რიცხვი 91-მდე გაიზარდა. ამ დრომდე ეძებენ დაკარგულებს, რის გამოც მსხვერპლის გაზრდას ვარაუდობენ. მედიის ცნობით, დაკარგულები არიან როგორც ადგილობრივები, ასევე ტურისტებიც. დაშავებულია 200-მდე ადამიანი.

ამ დროისთვის ხანძრის ყველა კერა ლიკვიდირებულია.

ხანძრის შედეგად მთლიანად არის განადგურებული ტურისტული სოფელი მატი. დამწვარია 3 ათასამდე სახლი და ასეულობით მანქანა. ხანძარმა საბავშვო ბანაკი გაანადგურა. ვრცელდება ინფორმაცია 16 ბავშვის დაღუპვის შესახებ.

წითელი ჯვრის ინფორმაციით, 26 ცხედარი იპოვეს ზღვისპირა სოფელ მატიში მდებარე ერთ-ერთ ვილაში, ეს სოფელი სტიქიის ეპიცენტრში მდებარეობს.

ხანძრის გაჩენის მიზეზად მაღალი ტემპერატურა სახელდება, რომლის გავრცელებასაც ქარმა შეუწყო ხელი.

თუმცა, საბერძნეთის შინაგან საქმეთა სამინისტრო არ გამორიცხავს, რომ ათენის შემოგარენში ხანძარი განზრახ გააჩინეს