ყოფილმა ეპისკოპოსმა პატრიარქზე თავდასხმა სცადა - რა ინფორმაციას ავრცელებს უკრაინის სინოდი

მსოფლიო - 19:42, 28 Jul, 2018

2457

ყოფილმა ეპისკოპოსმა უკრაინის პატრიარქზე თავდასხმა სცადა. შემთხვევა 25 მაისს მოხდა, თუმცა ინფორმაცია უკრაინის სინოდმა 27 ივლისს გაავრცელა.

ჩერნიგოვის და ნეჟინსკის ეპარქიის ყოფილი ეპისკოპოსი სევასტიანი (საერო სახელით მიხაილ ვოზნიაკი) პატრიარქ ფილარეტის რეზიდენციაში, შვილთან ერთად იმ დროს მივიდა, როდესაც მიღების საათები დასრულებული იყო. შენობაში მათი შესვლის დროს დერეფანში გამოვიდა სახლმმართველი, მონაზონი ვარვარა, რომელსაც ყოფილმა ეპისკოპოსმა სახეში ცრემლსადენი გაზი შეასხა და დაუყოვნებლივ დატოვა დანაშაულის ადგილი.

დაკავებისას სევასტიანმა დანაშაული აღიარა და თავისი ქმედება პატრიარქთან შეხვედრის სურვილით ახსნა.

უკრაინის საპატრიარქოს სინოდმა სევასტიანის ქმედება განიხილა, როგორც უკრაინის მართლმადიდებელი ეკლესიის კათოლიკოს-პატრიარქის წარმომადგენელზე თავდასხმა და მას სამღვდელო ხარისხი და სამონასტრო ცხოვრებასთან დაკავშირებული ყველა უფლება ჩამოართვა. სინოდის მოსაზრებით, იმ შემთხვევაში თუ ცრემლსადენი გაზი პატრიარქ ფილარეტზეც მოახდენდა ზემოქმედებას, მაშინ შედეგები, მისი ასაკის გათვალისწინებით ძალიან მძიმე, სასიკვდილო იქნებოდა.

მეუფე სევასტიანი ეპარქიის მმართველობიდან 2008 წელს საკუთარი თხოვნით გაათავისუფლეს. ის წავიდა ეპარქიიდან, დაქორწინდა, შვილები შეეძინა და ბოლო დროს მუდმივად კიევში ცხოვრობდა.