ჯანდაცვის კომიტეტის თავმჯდომარის აკაკი ზოიძის თქმით, პოლიტიკა ანგარიშსწორების ასპარეზი არ უნდა იყოს. აღნიშნული განცხადება, ზოიძემ ყოფილ პრემიერთან დაკავშირებიტ გაკეთებული კრიტიკულილ განცხადებების საპასუხოდ გააკეთა:

„მე არ ვაღიარებ პოლიტიკას, რომლითაც შეიძლება ვთქვა - „მეფე მოკვდა, გაუმარჯოს მეფეს“. ეს არის შუა საუკუნეების თემა. შეგვიძლია ვთქვათ, გაუმარჯოს მეფეს და დავანებოთ წინას თავი. ჩემი წარმოდგენა გიორგი კვირიკაშვილზე, რაც იყო ის დარჩა. მე მადლობა გადავუხადე. ჰქონდა შეცდომებიც, ჰქონდა პრობლემებიც, მაგრამ არ მიმაჩნია, რომ ის იყო ყველა ბოროტების სათავე ამ ქვეყანაში. გარკვეული შენიშვნები იყო იმასთან დაკავშირებით, რომ მოსახლეობისთვის ჭარბვალიანობასთან და სიღარიბესთან მიმართებაში შესაძლებელი იყო უფრო ადრე გადადგმულიყო ნაბიჯები და დაგვეჩქარებინა რეფორმები. ამაში მე თვითონაც მქონდა გარკვეული შენიშვნები, მაგრამ პოლიტიკა არ უნდა იყოს ანგარიშსწორების ასპარეზი.”- განაცხადა აკაკი ზოოიძემ.

ყოფილი პრემიერის გიორგი კვირიკაშვილის მიმართ განსაკუთრებული კრიტიკით, „ქართული ოცნების“ თავმჯდომარე ბიძინა ივანიშვილი გამოვიდა.