ავტომობილის ფანჯრიდან გადაყრილი დოლარები - "მდიდარი რუსების" შვილებმა პეტერბურგელები გაამასხარავეს (ფოტო, ვიდეო)

ეს საინტერესოა - 14:37, 28 Jul, 2018

7832

მდიდარი რუსების შვილებმა სანკტ პეტერბურგში ნამდვილი „ფულის წვიმა“ მოაწყვეს. ქალაქის ცენტრში ავტომობილით გავლისას ფანჯრიდან ფულს ყრიდნენ, , შემდეგ კი ეს ცინიკური ვიდეო ინსტაგრამზე განათავსეს წარწერით „დაიჭირეთ დოლარები, კაცუნებო.“

ახალგაზრდების აღნიშნული ჯგუფი საკუთარ თავს ოქროს ახლგაზრდობას უწოდებს, გავრცელებულმა ვიდეომ რუსეთში დიდი აჟიოტაჟი გამოიწვია. სოციალურ ქსელში აქტიურად წერდნენ, რომ მათ მთელ ქალაქს დასცინეს, ავტომობილის ფანჯრიდან ყალბი ფული გადაყარეს, შემდეგ კი ადამიანების რეაქციაზე იცინეს.

комсомольская правда ვიდეოს ავტორებს დაუკავშირდა, რომლებიც ირწმუნებიან, რომ სწორედ მათ ჩაწერეს აღნიშნული ვიდეო, მტკიცებულების სახით კი ფოტო წარმოადგინეს, სადაც მსგავს მანქანაში არიან გადაღებულნი.

„ვიდეოს იდეა უბრალოდ მოვიდა, რატომაც არა, თუ თქვენ გსურთ „ბომჟების“ კომენტარებზე მკითხოთ ყალბ ფულთან დაკავშირებით, შესაძლოა მათ საერთოდ არ უნახავთ ასეთი ფული და ყალბი გონიათ.“- ამბობს ერთ-ერთი მათგანი.

კითხვაზე რა რაოდენობის ფული გადაყარეს ფანჯრიდან ის პასუხობს:

„ჩვენ გვქონდა დაახლოებიტ 90 ათასი დოლარი და 900 ათასი რუბლი, თუმცა რესტორნებში და ბარებშიც დავხარჯეთ, ზუსტად არ ვიცი, რაღაც ნაწილი მანქანის სალონშიც დარჩა, უბრალოდ ვყრიდით და ვყრიდით. გვინდოდა ადამიანებისთვის ემოცია გვეჩუქებინა.“