მოედანზე, რომელსაც 10 წლის წინ რუსეთი ბომბავდა, ნატო-ს წევრი და მოკავშირე სახელმწიფოების სამხედრო ტექნიკა დგას (ფოტოები)

პოლიტიკა - 13:42, 28 Jul, 2018

3950

მრავალეროვან სამხედრო სწავლება „ღირსეულ პარტნიორ 2018-ში“ მონაწილე სამხედრო ტექნიკა გორშია. „ნიუპოსტის“ კორესპონდნეტის ცნობით, იმ მოედანზე რომელსაც 10 წლის წინ რუსეთი ბომბავდა ახლა 13 ჯავშან-მანქანა სტრაიკერი დგას. ნატო-ს წევრი და მოკავშირე სახელმწიფოების სამხედრო ტექნიკა, რომელიც ფოთის პორტიდან ვაზიანის სამხედრო აეროდრომისკენ მიემართება. ტექნიკის დიდი ნაწილი უკვე ვაზიანშია თავმოყრილი. ამერიკული ტექნიკის გამოჩენას გორელები ოვაციებით შეხვდნენ, მოედანზე შეკრებილები არიან როგორც რიგითი მოქალაქეები, ასევე ადგილობრივი ხელისუფლების წარმომადგეენლები. მათი თქმით, მნიშვნელოვანია, ამ წვერთნების ჩატარება საქართველოს ტერიტორიაზე სწორედ იმ ფონზე, როდესაც აგვისტოს ომიდან 10 წელი გთავი სულ მალე შესრულდება.
გორში იმყოფებიან თავდაცვის სამინისტროს მაღალჩინოსნებიც.
„ამ სწავლების მიზანი არის, რომ მოხდეს უფრო ღრმა ინტეგრაცია საქართველოს შეიარაღებული ძალების ევროატლანტიკურ სივრცეში,“ - განაცხადა პოლკოვნიკმა, საქართველოს შეიარაღებული ძალების გენერალური შტაბის უფროსის პირველმა მოადგილემ, ნიკოლოზ ჯანჯღავამ.