აშშ-ში, არიზონას შტატში 37 წლის თოდ შელი აუტანელმა სიცხემ იმდენად შეაწუხა, რომ სასწრაფო დახმარების მანქანა გაიტაცა, რათა სახლში წასულიყო.

ეს 24 ივლისს მოხდა, როდესაც ტემპერატურა 47 გრადუსი იყო.

ყველაფერი კი იმით დაიწყო, თოდი საავადმყოფოდან ახალი გამოწერილი იყო, გარეთ გასვლისას ძლიერმა სიცხემ შეაწუხა, ტემპერატურას ვერ გაუძლო, საავადმყოფოსთან ახლოს მდგარ ცარიელ სასწრაფო დახმარების მანქანაში ჩაჯდა და სახლისკენ გაემართა.

მალე ის GPS-ის დახმარებით პოლიციამ აღმოაჩინა.

როგორც "ნიუ იორკ პოსტი" წერს, დაკავებისას განაცხად, რომ სახლში ფულის ასაღებად მიდიოდა, რათა სენდვიჩი ეყიდა, შემდეგ კი მანქანის დაბრუნებას აპირებდა.

სამართალდამცველებმა მას სატრანსპორტო საშუალების უკანონო დაუფლების გამო ბრალი მაინც წარუდგინეს.