"კონცერტი კი არა, კონდიციონერი ჩაურთეთ ხალხს სამარშრუტო ტაქსში!"- ხაბეიშვილი უმრავლესობას

პოლიტიკა - 16:43, 27 Jul, 2018

1114

„ნაციონალური მოძრაობის“ წევრმა ლევან ხაბეიშვილმა საკრებულოს უმრავლესობა გააკრიტიკა და მიმართა: "კონცერტი კი არა, კონდიციონერი ჩაურთეთ ხალხს სამარშრუტო ტაქსში, არ დაიხრჩონ!".
ხაბეიშვილი დედაქალაქის მთავრობას თანხების არამიზობრივად ხარჯვაში დაადანაშაულა.
„საკომიტეტო მოსმენაზე განაცხადეთ, რომ იმისათვის, რომ თბილისელებს ზაფხულის პერიოდში კომფორტი შეუქმნათ, კულტურული ღონისძიებებისთვის გამოყოფილი თანხა 1 მილიონი ლარით უნდა გაიზარდოს. ამ ზაფხულში ათიათასობით მოქალაქე, რომელიც სამარშრუტო ტაქსებით გადაადგილდება, დაიხრჩო ეს ხალხი, კონდიციონერს არ ურთავთ მთელი ზაფხულია! აგვისტოს თვე მაინც უზრუნველყავით. ასე თუ ზრუნავთ ჩვენს მოქალაქეებზე, კონცერტი კი არა, კონდიციონერი ჩაურთეთ სამარშრუტო ტაქსში, არ დაიხრჩონ“, - განაცხადა ლევან ხაბეიშვილმა.

ენმ-ს ლიდერის განცხადებას საკრებულოს უმრავლესობის დეპუტატი ვატო შაქარიშვილი გამოეხმაურა.
"ნაციონალური მოძრაობა" წინასაარჩევნო რეჟიმში გადავიდა. "შტაბ კვარწირიდან" მიიღეს დავალება, რომ მაქსიმალურად დაიხარჯონ პოპულიზმში, სიცრუესა და დესტრუქციაში. ეს ამბავი თქვენს კანდიდატს ნამდვილად არ წაადგება. რაც შეეხება განცხადებას ტაშ-ფანდურთან დაკავშირებით, რასაც თქვენ ტაშ-ფანდურს ეძახით, ამას საზოგადოებაში კულტურა ჰქვია, რაც, სამწუხაროდ, თქვენ არ გაგაჩნიათ. ტაშ-ფანდური მოიკითხეთ თქვენს ღონისძიებებში და თქვენს პარტიაში", - განაცხადა ვატო შაქარიშვილმა.

თბილისის საკრებულოში ამ წუთებში სხდომა მიმდინარეობს, რომელზეც დეპუტატები პირველ საკითხად საბიუჯეტო ცვლილებებს განიხილავენ.